ಪ್ರಯಾಗ್ರಾಜ್: ಐಐಟಿ ಬಾಬಾ ಎಂದೂ ಕರೆಯಲ್ಪಡುವ ಗೋರಖ್ ಬಾಬಾ, ಏರೋಸ್ಪೇಸ್ ಮತ್ತು ಏರೋನಾಟಿಕಲ್ ವಿಭಾಗದಲ್ಲಿ ಐಐಟಿ ಬಾಂಬೆಯಿಂದ ಎಂಜಿನಿಯರಿಂಗ್ ಪದವಿ ಪಡೆದರು. ಎಂಜಿನಿಯರಿಂಗ್ ನಂತರ ಅವರು ಬಾಬಾ ಆದರು ಎಂಬುದು ಅವರ ಹೆಸರಿನಿಂದಲೇ ಸ್ಪಷ್ಟವಾಗುತ್ತದೆ.
ಹರಿಯಾಣ ನಿವಾಸಿಯಾದ ಐಐಟಿ ಬಾಬಾ ಅವರ ನಿಜವಾದ ಹೆಸರು ಅಭಯ್ ಸಿಂಗ್. ಎಂಜಿನಿಯರಿಂಗ್ನಿಂದ ಸನ್ಯಾಸಿಯಾಗುವವರೆಗಿನ ಅಭಯ್ ಸಿಂಗ್ ಅವರ ಪ್ರಯಾಣವು ತುಂಬಾ ಆಸಕ್ತಿದಾಯಕವಾಗಿದೆ. ಅವರಿಗೆ ಛಾಯಾಗ್ರಹಣದಲ್ಲಿ ತೀವ್ರ ಆಸಕ್ತಿ ಇತ್ತು. ಈ ಕ್ಷೇತ್ರದಲ್ಲಿ ವೃತ್ತಿಜೀವನ ಕಟ್ಟಿಕೊಳ್ಳಲು ಅವರಿಗೆ ಪದವಿಯ ಅಗತ್ಯವಿತ್ತು. ಈ ಕಾರಣಕ್ಕಾಗಿ, ಅವರು ಒಂದು ವರ್ಷ ಕೋಚಿಂಗ್ ಪಡೆದಿದ್ದರು.
ನೀವು ತುಂಬಾ ಚೆನ್ನಾಗಿ ಮಾತನಾಡುತ್ತಿದ್ದೀರಿ, ನೀವು ತುಂಬಾ ವಿದ್ಯಾವಂತರೆಂದು ತೋರುತ್ತದೆ ಎಂದು ಪತ್ರಕರ್ತರೊಬ್ಬರು ಕೇಳುತ್ತಾರೆ. ಅದಕ್ಕೆ ಬಾಬಾ, ತಾವು ಐಐಟಿ ಬಾಂಬೆಯಿಂದ ಏರೋಸ್ಪೇಸ್ ಎಂಜಿನಿಯರಿಂಗ್ ಓದಿರುವುದಾಗಿ ಹೇಳಿದರು. ಈ ವಿಚಾರ ತಿಳಿದ ನಂತರ ಸಂದರ್ಶಕ ಸ್ವಲ್ಪ ಸಮಯದವರೆಗೆ ಮೌನವಾಗಿದ್ದರು. ನಂತರ ಮತ್ತೆ ಬಾಬಾ ಅವರನ್ನು ನೀವು ನಿಜವಾಗಿಯೂ ಐಐಟಿ ಬಾಂಬೆಯಿಂದ ಏರೋಸ್ಪೇಸ್ ಎಂಜಿನಿಯರಿಂಗ್ ಓದಿದ್ದೀರಾ ಎಂದು ಪ್ರಶ್ನಿಸುತ್ತಾರೆ. ಹೌದು ಎಂದು ಬಾಬಾ ಉತ್ತರಿಸಿತ್ತಾರೆ. ಅವರ ನಿಜವಾದ ಹೆಸರು ಅಭಯ್ ಸಿಂಗ್ ಎಂದು ತಿಳಿದುಬಂದಿದೆ. ನೀವು ಸನ್ಯಾಸತ್ವ ಯಾಕೆ ಸ್ವೀಕರಿಸಿದ್ರಿ?" ಎಂದು ಸಂದರ್ಶಕರು ಸಿಂಗ್ ಅವರನ್ನು ಕೇಳಿದರು. ಅದಕ್ಕೆ ಸಿಂಗ್ ಮುಗುಳ್ನಗುತ್ತಾ, ಇದು ಅತ್ಯುತ್ತಮ ಮಾರ್ಗ, ಜ್ಞಾನವನ್ನು ಮುಂದುವರಿಸಬೇಕು ಎಂದು ಹೇಳಿದರು.
ತಮ್ಮ ಶೈಕ್ಷಣಿಕ ಯಶಸ್ಸು ಮತ್ತು ತಾಂತ್ರಿಕ ಪರಿಣತಿಯ ಹೊರತಾಗಿಯೂ, ಜ್ಞಾನದ ನಿಜವಾದ ಅನ್ವೇಷಣೆ ಭೌತಿಕ ಪ್ರಪಂಚದ ಆಚೆಗೆ ಇದೆ ಎಂದು ಸಿಂಗ್ ತಮ್ಮ ಸಂದರ್ಶನದಲ್ಲಿ ಹಂಚಿಕೊಂಡಿದ್ದಾರೆ. ಕುಂಭಮೇಳದಲ್ಲಿ ನಾನು ತೊಡಗಿದ್ದು ಈಗ ತಮ್ಮ ಆಧ್ಯಾತ್ಮಿಕ ಹೆಸರನ್ನು ಮಸಾನಿ ಗೋರಖ್ ಎಂದು ಕರೆದುಕೊಂಡಿದ್ದಾರೆ. ಇದು ಆಳವಾದ ಅರ್ಥದ ಹುಡುಕಾಟದ ಪರಾಕಾಷ್ಠೆಯಾಗಿದೆ ಎಂದು ಅವರು ವಿವರಿಸಿದರು.
ಈ ಹಂತವು ಅತ್ಯುತ್ತಮ ಹಂತವಾಗಿದೆ ಎಂದು ಅವರು ಆಯ್ಕೆ ಮಾಡಿದ ಆಧ್ಯಾತ್ಮಿಕ ಜೀವನವನ್ನು ಉಲ್ಲೇಖಿಸುತ್ತಾ ಹೇಳಿದರು. ಹೆಚ್ಚಿನ ಸಂಬಳದ ವೃತ್ತಿಜೀವನದ ನಿರೀಕ್ಷೆಗಳನ್ನು ಬಿಟ್ಟು ಆಧ್ಯಾತ್ಮಿಕತೆಯನ್ನು ಅನುಸರಿಸುವ ಅವರ ನಿರ್ಧಾರವು ಜ್ಞಾನದ ಅನ್ವೇಷಣೆಯು ಅಂತಿಮವಾಗಿ ಆಳವಾದ, ಹೆಚ್ಚು ಅರ್ಥಪೂರ್ಣ ಅಸ್ತಿತ್ವಕ್ಕೆ ಕಾರಣವಾಗುತ್ತದೆ ಎಂಬ ಅವರ ನಂಬಿಕೆಯಲ್ಲಿ ಬೇರೂರಿದೆ.
