ದೇವನಹಳ್ಳಿ: ಶಾಲಾ ಮಕ್ಕಳಲ್ಲಿ ವೈಜ್ಞಾನಿಕ ಚಿಂತನೆಗಳ ಜೊತೆಗೆ ಬಾಲ್ಯದಿಂದಲೆ ಶಿಕ್ಷಣ ಜೊತಗೆ ಪರಿಸರ ಮತ್ತು ಕ್ರೀಡೆಗಳನ್ನು ಹೆಚ್ಚಿನ ಆಸಕ್ತಿ ಮೂಡಿಸಬೇಕು ಎಂದು ಕ್ರೀಡಾ ಮತ್ತು ಸಾಂಸ್ಕ್ರತಿಕ ಸಘದ ಅಧ್ಯಕ್ಷ ಜೇಸಿ ವಿಜಯಕುಮಾರ್ ತಿಳಿಸಿದರು.
ಪಟ್ಟಣದ ಸರ್ಕಾರಿ ಪದವಿ ಪೂರ್ವ ಕಾಲೇಜು ಮೈದಾನದಲ್ಲಿ ಯುವ ಸಬಲೀಕರಣ ಮತ್ತು ಕ್ರೀಡಾ ಮತ್ತು ಸಾಂಸ್ಕೃತಿಕ ಸಂಘ, ಜೆ ಸಿ ಐ ದೇವನಹಳ್ಳಿ ಸಂಸ್ಥೆ, ಇವರ ಸಂಯುಕ್ತ ಆಶ್ರಯದಲ್ಲಿ ನಡೆದ 21ನೇ ವರ್ಷದ ಉಚಿತ ಬೇಸಿಗೆ ಶಿಬಿರ ದ ಸಮಾರೋಪ ಸಮಾರಂಭದಲ್ಲಿ ಮಾತನಾಡಿದರು.ಮಕ್ಕಳಿಗೆ ಬಾಲ್ಯದಿಂದಲೇ ಶಿಕ್ಷಣದೊಂದಿಗೆ ಪರಿಸರ ಮತ್ತು ಕ್ರೀಡೆಗಳನ್ನು ಹೆಚ್ಚಿಸಿ ಆಸಕ್ತಿ ಮೂಡಿಸಬೇಕು ಪ್ರತಿ ಮಕ್ಕಳಲ್ಲಿ ವ್ಯಕ್ತಿತ್ವ ವಿಕಾಸನವಾಗಬೇಕು ಕ್ರೀಡಾ ಚಟುವಟಿಕೆಗಳಿಗೆ ಹೆಚ್ಚು ಭಾಗವಹಿಸಬೇಕು ಕ್ರೀಡೆಯಿಂದ ನಿಮ್ಮ ಸರ್ವೋತೋಮುಖ ಬೆಳವಣಿಗೆ ಸಾಧ್ಯವಿದೆ ನಿಮ್ಮ ಪ್ರತಿಭೆಗೆ ಇದೊಂದು ಸೂಕ್ತ ವೇದಿಕೆಯಾಗಿದೆ ಅವಕಾಶ ದೊರೆತಾಗ ಉನ್ನತ ಮಟ್ಟಕ್ಕೆ ಬರಬೇಕು ಪ್ರತಿ ಮಕ್ಕಳು ನೋಡಿ ಕಲಿಯಬೇಕು ಸಮಾಜಕ್ಕೆ ಕೊಡುಗೆಯಾಗಿ ನೀಡಬೇಕು ಎಂದು ತಿಳಿಸಿದರು.
ಪುರಸಭೆ ಪುರ್ವಾಧ್ಯಕ್ಷ ಮತ್ತು ಕಾಂಗ್ರೇಸ್ ಮುಖಂಡ ಸಿ.ಎಂ ಜಗನಾಥ್ ಮಾತನಾಡಿ ಕಲಿಕೆಯ ಚಿಂತನೆಗಳನ್ನು ಮೂಡಿಸುವ ಮತ್ತು ಅವರಲ್ಲಿನ ಪ್ರತಿಭೆಗಳನ್ನು ಹೊರಹಾಕಲು ಇಂತಹ ಶಿಬಿರವು ಹೆಚ್ಚಿನ ಮಹತ್ವ ಹೊಂದಿದೆ ಬೇಸಿಗೆ ಶಿಬಿರದಲ್ಲಿ ಮಕ್ಕಳ ವ್ಯಕ್ತಿತ್ವ ವಿಕಸನ ಮಾತ್ರವಲ್ಲದೆ ಮನೋವಿಕಾಸ ಸಹ ಆಗುತ್ತದೆ. ಮಕ್ಕಳಲ್ಲಿ ನಾಯಕತ್ವದ ಗುಣವನ್ನು ಬೆಳೆಸುತ್ತದೆ ಕ್ರೀಡೆಗಳಲ್ಲಿ ಭಾಗವಹಿಸುವುದರಿಂದ ಮಾನಸಿಕ ಆರೋಗ್ಯ ವೃದ್ಧಿಯಾಗುವುದು ಎಂದರು.
ಇದೇ ಸಂದರ್ಭದಲ್ಲಿಸಮಾಜ ಸೇವಕರಾದ ಗಾರೆ ರವಿಕುಮಾರ್, ನಿಕಟ ಪೂರ್ವ ಅಧ್ಯಕ್ಷ ಪುಟ್ಟಸ್ವಾಮಿ, ಪೂರ್ವ ಅಧ್ಯಕ್ಷರಾದ ಶಶಿಧರ್, , ಸಿಎಂ ವೆಂಕಟೇಶ್, ಪುರಸಭೆ ಸದಸ್ಯರಾದ ಸಂಘದ ಉಪಾಧ್ಯಕ್ಷ ಜಿ ಎ ರವೀಂದ್ರ, ಎಸ್ ಆರ್ ಸತೀಶ್ ಕುಮಾರ್, ಪ್ರಧಾನ ಕಾರ್ಯದರ್ಶಿ ಟಿ ಆರ್ ಲೋಕೇಶ್, ಜೆಸಿ ಅಧ್ಯಕ್ಷ ಕಿರಣ್ ಯಾದವ್, ಉಪಸ್ಥಿತರಿದ್ದರು.
