ಮೈಸೂರು: ನಗರದ ಬನ್ನಿಮಂಟಪ ದಲ್ಲಿನ ಲಿಟ್ಲ್ ಎಂಜೆಲ್ಸ್ ಮಾಂಟಸ್ಸರಿ ಮಕ್ಕಳಿಗಾಗಿ ಬನ್ನಿಮಂಟಪ ಮೈದಾನ ದಲ್ಲಿ ಕ್ರೀಡಾ ದಿನ ಮತ್ತು ಸಾಂಸ್ಕೃತಿಕ ದಿನ ಕಾರ್ಯಕ್ರಮ ಆಯೋಜಿಸಲಾಗಿತ್ತು.
ಈ ವೇಳೆ ಮಕ್ಕಳು ಭೇದ ಭಾವ ಮರೆತು ವಿವಿಧ ಕ್ರೀಡೆಗಳಲ್ಲಿ ಪಾಲ್ಗೊಂಡು ಎಲ್ಲರ ಗಮನ ಸೆಳೆದರು. ಈ ಸಂದರ್ಭದಲ್ಲಿ ಮೈದಾನದಲ್ಲೆಲ್ಲ
ನಗು, ಉಲ್ಲಾಸ ಮತ್ತು ಸಂಪೂರ್ಣ ಸಂತೋಷದ ವಾತಾವರಣ ಕಂಡುಬಂದಿತು. ಮಕ್ಕಳು ವಿವಿಧ ಕ್ರೀಡೆ, ಸಾಂಸ್ಕೃತಿಕ ಪ್ರತಿಭೆ ಪ್ರದರ್ಶಿಸಿ ಎಲ್ಲರ ಗಮನ ಸೆಳೆದರು.
ಇದೇ ವೇಳೆ ಮಕ್ಕಳ ಉತ್ಸಾಹ ಗಮನಿಸಲು ಆಗಮಿಸಿದ್ದ ಪೋಷಕರು ಸಹಾ ಸಂಭ್ರಮಿಸಿದರು.ಖಾಸಗಿ ಎಫ್‍ಎಂನ ಮುಖ್ಯಸ್ಥ ಬಿ.ವಿ. ರಾಘವ್ ಮುಖ್ಯ ಅತಿಥಿಯಾಗಿದ್ದರು. ಇದೇ ಸಂದರ್ಭದಲ್ಲಿ ನಗರದ ಮಣಿಪಾಲ್ ಆಸ್ಪತ್ರೆ ಸಹಾ ಮಕ್ಕಳು ಹಾಗೂ ಪೋಷಕರಿಗಾಗಿ ಆರೋಗ್ಯ ಶಿಬಿರ ಆಯೋಜಿಸುವ ಮೂಲಕ ಸಹಕರಿಸಿತು.
ಪ್ರಾಚಾರ್ಯರಾದ ಡಾ. ಸುಲ್ತಾನಾ ಜಬೀನ್, ಕೇಂದ್ರದ ಮುಖ್ಯಸ್ಥರಾದ ಅಸ್ಮಾ ತಾಹುರಾ ಹಾಗೂ ಅಧ್ಯಾಪಕರು, ವಿದ್ಯಾರ್ಥಿಗಳು, ಪೋಷಕರು ಹಾಜರಿದ್ದರು.
