ಬೆಂಗಳೂರು: ಬೆಂಗಳೂರಿನ ಡಿಪೋ18 ಮೈದಾನದಲ್ಲಿ ಭಾನುವಾರ ನಡೆದ ಸಮಾರೋಪದೊಂದಿಗೆ ಮೊದಲ ಬಾರಿಗೆ ಆಯೋಜಿಸಲಾದ ಸೂಪರ್ನೋವಾ ಫುಟ್ಬಾಲ್ ಚಾಂಪಿಯನ್ಷಿಪ್ ಯಶಸ್ವಿಯಾಗಿ ಮುಕ್ತಾಯಗೊಂಡಿತು. ಕ್ಯಾಪ್ರಿ ಸ್ಪೋರ್ಟ್ಸ್ ನ ನೋವಾ ಸ್ಪೋರ್ಟ್ಸ್ ಉಪಕ್ರಮದಡಿ ನಡೆದ ಈ ಚಾಂಪಿಯನ್ಷಿಪ್ನಲ್ಲಿ 13, 15 ಮತ್ತು 17 ವರ್ಷದೊಳಗಿನವರ ವಿಭಾಗಗಳಲ್ಲಿ ಎರಡು ದಿನಗಳ ಕಾಲ ಸ್ಪರ್ಧಿಸಿದವು.ಬಾಲಕಿಯರನ್ನು ಕೇಂದ್ರವಾಗಿಟ್ಟುಕೊಂಡು ರೂಪಿಸಲಾಗಿದ್ದ ಈ ಚಾಂಪಿಯನ್ಷಿಪ್ನಲ್ಲಿ ಮೈದಾನದಿಂದ ಹಿಡಿದು ಫುಟ್ಬಾಲ್ ಪಂದ್ಯಗಳವರೆಗೆ ಹಾಗೂ ಪಂದ್ಯಗಳ ಸುತ್ತಮುತ್ತಲಿನ ಸಂಪೂರ್ಣ ಅನುಭವಕ್ಕೆ ವಿಶೇಷ ಆದ್ಯತೆ ನೀಡಲಾಗಿತ್ತು.ಡಿಪೋ18ಕ್ಕೆ ಆಗಮಿಸಿದ ಆಟಗಾರ್ತಿಯರು, ತರಬೇತುದಾರರು ಹಾಗೂ ಕುಟುಂಬ ಸದಸ್ಯರಿಗೆ ಶಾಲಾ ಮಟ್ಟದ ಬಾಲಕಿಯರ ಫುಟ್ಬಾಲ್ನಲ್ಲಿ ಹೊಸ ಮಾನದಂಡವನ್ನು ಸ್ಥಾಪಿಸುವಂತಹ ಪಂದ್ಯಾವಳಿ ಅನುಭವ ದೊರೆಯಿತು. ಹಲವು ಮೈದಾನಗಳು, ವೃತ್ತಿಪರವಾಗಿ ನಿರ್ವಹಿಸಲಾದ ಸ್ಪರ್ಧಾ ಮಾದರಿ ಹಾಗೂ ಉನ್ನತ ಮಟ್ಟದ ಫುಟ್ಬಾಲ್ ಪಂದ್ಯಗಳ ವಾತಾವರಣವನ್ನು ಹೋಲುವ ಉತ್ಸಾಹಭರಿತ ವಾತಾವರಣ ಪಂದ್ಯಾವಳಿಯ ಪ್ರಮುಖ ಆಕರ್ಷಣೆಯಾಗಿತ್ತು.ಪಂದ್ಯಗಳಲ್ಲಿಯೂ ಅದೇ ಮಟ್ಟದ ಪೈಪೋಟಿ ಕಂಡುಬಂತು. ಎರಡು ದಿನಗಳಲ್ಲಿ ಒಟ್ಟು 69 ಪಂದ್ಯಗಳು ನಡೆದಿದ್ದು, 222 ಗೋಲುಗಳು ದಾಖಲಾಗಿವೆ. ಎಲ್ಲಾ ತಂಡಗಳು ಕೊನೆಯ ಸೀಟಿಯವರೆಗೂ ಹೋರಾಟ ನಡೆಸಿದ್ದು, ಮೂರು ವಯೋಮಾನದ ವಿಭಾಗಗಳಲ್ಲೂ ಪಂದ್ಯಗಳು ತೀವ್ರ ಪೈಪೋಟಿಯಿಂದ ಕೂಡಿದ್ದವು.
