ಮಾಗಡಿ: ಕಳೆದ ಗ್ರಾಪಂ ಚುನಾವಣೆಯಲ್ಲಿ ಜೆಡಿಎಸ್ ಬೆಂಬಲಿತರಾಗಿ ಚುನಾಯಿತರಾಗಿದ್ದ ತಗ್ಗೀಕುಪ್ಪೆಯ ತೇಜಶ್ವಿನಿ ರಮೇಶ್ ಅವರು ಶಾಸಕ ಹೆಚ್.ಸಿ.ಬಾಲಕೃಷ್ಣರವರ ಸ್ವಗೃಹದಲ್ಲಿ ಕೈ ಮುಖಂಡ ಪೂಜಾರಿಪಾಳ್ಯ ಕೃಷ್ಣಮೂರ್ತಿ, ಬ್ಯಾಲದಕೆರೆ ಚಿಕ್ಕರಾಜು, ಮಹೇಶ್, ಮದಲಾರಯ್ಯನಪಾಳ್ಯ ರಾಜಣ್ಣ ಅವರ ನೇತೃತ್ವದಲ್ಲಿ ಜೆಡಿಎಸ್ ತೊರೆದಿದ್ದ ಇವರು ಬುಧವಾರ ಅಧಿಕೃತವಾಗಿ ಕಾಂಗ್ರೆಸ್ ಸೇರ್ಪಡೆಯಾಗಿದ್ದರು.ಗುರುವಾರ ನಡೆದ ಗ್ರಾಪಂ ಅದ್ಯಕ್ಷೀಯ ಚುನಾವಣೆಯಲ್ಲಿ ಕಾಂಗ್ರೆಸ್ ಬೆಂಬಲಿತ ಅದ್ಯಕ್ಷೆಯಾಗಿ ತೇಜಶ್ವಿನಿ ರಮೇಶ್ ಆಯ್ಕೆಯಾಗಿದ್ದಾರೆ.
ಕಾಂಗ್ರೆಸ್ ಬೆಂಬಲಿತ ಅಭ್ಯರ್ಥಿಯಾಗಿ ಉಮೇದುವಾರಿಕೆ ಸಲ್ಲಿಸಿದ್ದ ತಮ್ಮ ಪ್ರತಿಸ್ಪರ್ಧಿಗಳಿಗಿಂತ ನಾಲ್ಕು ಮತಗಳ ಅಂತರದಿಂದ ಗೆಲುವು ಸಾಧಿಸಿ ತಗ್ಗೀಕುಪ್ಪೆ ಗ್ರಾಪಂಗೆ ನೂತನ ಅದ್ಯಕ್ಷೆಯಾಗಿ ಆಯ್ಕೆಯಾಗಿದ್ದಾರೆ.ಇನ್ನು ಉಪಾದ್ಯಕ್ಷ ಸ್ಥಾನಕ್ಕೆ ಸ್ಪರ್ಧಿಸಿದ್ದ ಹಿಂದಿನ ಅದ್ಯಕ್ಷ ಮದಲಾರಯ್ಯನಪಾಳ್ಯ ರಾಜಣ್ಣ ಅವರೂ ಕೂಡಾ ಹತ್ತು ಮತಗಳನ್ನು ಪಡೆದು ಉಪಾದ್ಯಕ್ಷರಾಗಿದ್ದಾರೆ ಎಂದು ಚುನಾವಣಾಧಿಕಾರಿ ಘೋಷಣೆ ಮಾಡಿದರು.
ನೂತನ ಅದ್ಯಕ್ಷೆ ತೇಜಶ್ವಿನಿ ರಮೇಶ್ ಮಾತನಾಡಿ ನಾನು ತಗ್ಗೀಕುಪ್ಪೆ ಗ್ರಾಪಂ ಅದ್ಯಕ್ಷೆಯಾಗಲು ಅನುವುಮಾಡಿಕೊಟ್ಟಿರುವ ಶಾಸಕ ಹೆಚ್.ಸಿ.ಬಾಲಕೃಷ್ಣ ಬಿಡಿಸಿಸಿ ಬ್ಯಾಂಕ್ ನಿರ್ದೇಶಕ ಹೆಚ್.ಎನ್.ಅಶೋಕ್ ಪೂಜಾರಿಪಾಳ್ಯ ಕೃಷ್ಣಮೂರ್ತಿ ಜಿಪಂ ಮಾಜಿ ಸದಸ್ಯ ಬೆಳಗುಂಬ ವಿಜಯಣ್ಣ ಜೆ.ಪಿ.ಚಂದ್ರೇಗೌಡ ಮತ್ತು ನನಗೆ ಬೆಂಬಲ ವ್ಯಕ್ತಪಡಿಸಿದ ಸದಸ್ಯರಿಗೆ ಅಭಾರಿಯಾಗಿರುತ್ತೇನೆ. ಪಂಚಾಯತಿ ವ್ಯಾಪ್ತಿಯ ಪ್ರತಿ ಗ್ರಾಮಗಳಿಗೂ ರಸ್ತೆ ಚರಂಡಿ ಕುಡಿಯುವ ನೀರು ಸೇರಿದಂತೆ ಮೂಲಭೂತ ಸೌಕರ್ಯಗಳನ್ನು ಒದಗಿಸುವಲ್ಲಿ ಶ್ರಮಿಸುತ್ತೇನೆ ಎಂದು ತಿಳಿಸಿದರು.
ಉಪಾದ್ಯಕ್ಷ ಮದರಾಯ್ಯನಪಾಳ್ಯ ರಾಜಣ್ಣ ಮಾತನಾಡಿ ಈ ಹಿಂದೆ ನಾವು ಇದೇ ಪಂಚಾಯತಿಯಲ್ಲಿ ಅಧಿಕಾರ ಹಿಡಿಯಲು ಮಾಜಿ ಸಂಸದ ಡಿ.ಕೆ.ಸುರೇಶ್ ಅಂದು ಮಾಜಿ ಶಾಸಕ ಬಾಲಕೃಷ್ಣ ಬೆಳಗುಂಬ ವಿಜಯಣ್ಣ ಜೆ.ಪಿ.ಚಂದ್ರೇಗೌಡ ಸೇರಿದಂತೆ ಮತ್ತಿತರರು ಸಾಕಷ್ಟು ಹರಸಾಹಸ ಪಟ್ಟಿದ್ದೆವು.ಇದೇ ಪೂಜಾರಿಪಾಳ್ಯ ಕೃಷ್ಣಮೂರ್ತಿ ಅವರು ಅಂದು ಜೆಡಿಎಸ್ ಪಕ್ಷದಲ್ಲಿದ್ದರು ಇದೀಗ ನಮ್ಮಲ್ಲಿ ಬಂದಿರುವುದು ಸ್ವಾಗತಾರ್ಹ.ಮೀಸಲಾತಿ ಇದ್ದದ್ದರಿಂದ ಶಾಸಕರು ನೀನೇ ಉಪಾದ್ಯಕ್ಷನಾಗು ಎಂಬ ಸೂಚನೆಯಂತೆ ಉಪಾದ್ಯಕ್ಷನಾಗಿದ್ದು ಪಂಚಾಯತಿ ಅಭಿವೃದ್ಧಿಗೆ ನೂತನ ಅದ್ಯಕ್ಷರ ಜೊತೆಗೂಡಿ ಶ್ರಮಿಸಲಾಗುವುದು ಎಂದು ರಾಜಣ್ಣ ಸ್ಪಷ್ಟಪಡಿಸಿದರು.
ಸದಸ್ಯರಾದ ತೇಜಶ್ವಿನಿ ಚಿಕ್ಕರಾಜು, ಕುಮಾರ್, ರಮೇಶ್, ವಿ.ಮುರಳೀಧರ್, ಭೈರಪ್ಪ, ಬ್ಯಾಟಮ್ಮ, ಗೌರಮ್ಮ, ಗಿರಿಜಮ್ಮ, ಎಚ್.ಹನುಮೇಗೌಡ, ಮೋಹನ್, ಮುನಿರತ್ನಮ್ಮ, ಎಸ್.ಸಿ.ಎಸ್.ಟಿ.ಬ್ಲಾಕ್ ಕಾಂಗ್ರೆಸ್ ಅದ್ಯಕ್ಷ ಚಿಕ್ಕರಾಜು, ಹೊಸಹಳ್ಳಿ ಪುಟ್ಟಸ್ವಾಮಿ, ಸಿದ್ದರಾಜು, ಕುಮಾರ್, ಪಿಡಿಒಎಸ್.ಆರ್.ನರಸಿಂಹಮೂರ್ತಿ, ಸಿಬ್ಬಂದಿಗಳಾದ ಜಯರಾಮ್, ರೇವಣ್ಣಸಿದ್ದಯ್ಯ ಸೇರಿದಂತೆ ಮತ್ತಿತರಿದ್ದರು.
