ಬೆಂಗಳೂರು: ಸ್ಮೈಲ್ ಟ್ರೈನ್, ವಿಶ್ವದ ಅತಿದೊಡ್ಡ ಸೀಳು ತುಟಿ ಸಂಚಾರಿ ಚಿಕಿತ್ಸಾ-ಕೇಂದ್ರಿತ ಎನ್ಜಿಒ ಮತ್ತು ಬೆಂಗಳೂರಿನ ಭಗವಾನ್ ಮಹಾವೀರ್ ಜೈನ್ ಆಸ್ಪತ್ರೆ ಜಂಟಿಯಾಗಿ ಸಮುಚಿತವಾದ ಮೊಬೈಲ್ ಸೀಳು ತುಟಿ ಚಿಕಿತ್ಸಾಲಯವನ್ನು ಪ್ರಾರಂಭಿಸುವುದರ ಮೂಲಕ ತಮ್ಮ ಪಾಲುದಾರಿಕೆಯನ್ನು ಮತ್ತಷ್ಟು ಗಟ್ಟಿಗೊಳಿಸಿಕೊಂಡಿವೆ,
ರಾಜ್ಯದ ವಿವಿಧ `ತಾಲೂಕು’ಗಳ ಮಕ್ಕಳಿಗೆ ಉಚಿತ ಅನುಸರಣಾ ಆರೈಕೆ, ದಂತ ಸೇವೆಗಳು ಮತ್ತು ಮಾತನಾಡುವ ಚಿಕಿತ್ಸೆಯನ್ನು ಒದಗಿಸುವುದು ಉಪಕ್ರಮದ ಪ್ರಾಥಮಿಕ ಉದ್ದೇಶವಾಗಿದೆ.ಬೆಂಗಳೂರಿನ ಭಗವಾನ್ ಮಹಾವೀರ್ ಜೈನ್ ಆಸ್ಪತ್ರೆಯಲ್ಲಿ ಸ್ಮೈಲ್ ಟ್ರೈನ್ನ ಏಷ್ಯಾದ ಹಿರಿಯ ಉಪಾಧ್ಯಕ್ಷೆ ಮತ್ತು ಪ್ರಾದೇಶಿಕ ನಿರ್ದೇಶಕಿಯಾದ ಮಮತಾ ಕ್ಯಾರೊಲ್ ಅವರ ಉಪಸ್ಥಿತಿಯಲ್ಲಿ ಆರೋಗ್ಯ ಮತ್ತು ಕುಟುಂಬ ಕಲ್ಯಾಣ ಸಚಿವರಾದ ದಿನೇಶ್ ಗುಂಡೂರಾವ್ ಮೊಬೈಲ್ ವ್ಯಾನ್ ಅನ್ನು ಬಿಡುಗಡೆ ಮಾಡಿದರು.
`ಕರ್ನಾಟಕ ರಾಜ್ಯದಲ್ಲಿ ಅರಿವು ಮೂಡಿಸುವುದು, ಸಾಮರ್ಥ್ಯ-ವರ್ಧನೆ ಮತ್ತು ಸೀಳು ತುಟಿ ಆರೈಕೆ ಮೂಲ ಸೌಕರ್ಯಗಳ ರಚನೆಯ ಮೂಲಕ ಸೀಳು ತುಟಿಗಳನ್ನು ಕೇಂದ್ರವಾಗಿರಿಸಿಕೊಂಡು ಸೀಳು ತುಟಿ ಮತ್ತು ಅಂಗುಳಿನ ರೋಗನಿರ್ಣಯ ಮತ್ತು ಮಧ್ಯಸ್ಥಿಕೆಯನ್ನು ವೇಗಗೊಳಿಸುವ ಮೂಲಕ ನಮ್ಮ ದೃಷ್ಟಿಯನ್ನು ಸಾಧಿಸಲು ಈ ಮೊಬೈಲ್ ಚಿಕಿತ್ಸಾಲಯ ನಮಗೆ ಸಹಾಯ ಮಾಡುತ್ತದೆ ಎನ್ನುವುದು ನಮ್ಮ ನಂಬಿಕೆಯಾಗಿದೆ ಎಂದು ಮಮತಾ ಕ್ಯಾರೊಲ್ ಹೇಳಿದರು.
ಸ್ಮೈಲ್ ಟ್ರೈನ್ ಇಂಡಿಯಾದೊಂದಿಗಿನ ನಮ್ಮ ಪಾಲುದಾರಿಕೆಯ ಬಗ್ಗೆ ನಮಗೆ ಹೆಮ್ಮೆಯಿದೆ, ಇದು ಕರ್ನಾಟಕದ ದೂರದ ಭಾಗಗಳಿಗೆ ಗುಣಮಟ್ಟದ ಸೀಳು ಆರೈಕೆಯನ್ನು ಒದಗಿಸುವ ನಮ್ಮ ಕಾರ್ಯವನ್ನು ಮತ್ತಷ್ಟು ಬಲಪಡಿಸುತ್ತದೆ” ಎಂದು ಬೆಂಗಳೂರಿನ ಭಗವಾನ್ ಮಹಾವೀರ್ ಜೈನ್ ಆಸ್ಪತ್ರೆಯ ಸ್ಮೈಲ್ ಟ್ರೇನ್ ಕ್ಲೆಫ್ಟ್ ಲೀಡರ್ಶಿಪ್ ಸೆಂಟರ್ನ ನಿರ್ದೇಶಕ ಡಾ. ಪ್ರೀತಮ್ ಶೆಟ್ಟಿ ಹೇಳಿದರು.
