ಬರ್ಲಿನ್: ಜರ್ಮನಿಯ ಖ್ಯಾತ ಟೆನಿಸ್ ತಾರೆ ಅಲೆಕ್ಸಾಂಡರ್ ಜ್ವೆರೆವ್ ಪುರುಷರ ಎಟಿಪಿ ಸಿಂಗಲ್ಸ್ ಶ್ರೇಯಾಂಕದಲ್ಲಿ ವಿಶ್ವದ ನಂಬರ್ ಒನ್ ಸ್ಥಾನಕ್ಕೇರುವ ಮೂಲಕ ಐತಿಹಾಸಿಕ ಮೈಲಿಗಲ್ಲು ಸ್ಥಾಪಿಸಿದ್ದಾರೆ. 1991 ರಲ್ಲಿ ದಿಗ್ಗಜ ಆಟಗಾರ ಬೋರಿಸ್ ಬೆಕರ್ ಈ ಸಾಧನೆ ಮಾಡಿದ ನಂತರ, ಪುರುಷರ ಟೆನಿಸ್‌ನಲ್ಲಿ ವಿಶ್ವದ ಅಗ್ರ ಶ್ರೇಯಾಂಕಕ್ಕೇರಿದ ಜರ್ಮನಿಯ ಮೊದಲ ಆಟಗಾರ ಎಂಬ ಹೆಗ್ಗಳಿಕೆಗೆ 29 ವರ್ಷದ ಜ್ವೆರೆವ್ ಪಾತ್ರರಾಗಿದ್ದಾರೆ.ನಾಲ್ಕು ವರ್ಷಗಳ ಬಳಿಕ ಟೀಮ್ ಇಂಡಿಯಾಗೆ ಭುವನೇಶ್ವರ್ ಕುಮಾರ್ ಕಮ್‌ಬ್ಯಾಕ್: ನ್ಯೂಜಿಲೆಂಡ್ ಪ್ರವಾಸಕ್ಕೆ ಆಯ್ಕೆ, ರೈನಾ ಮೆಚ್ಚುಗೆ ಶಾಂಘೈ ಮಾಸ್ಟರ್ಸ್ ಟೂರ್ನಿಯ ಮೂರನೇ ಸುತ್ತಿನಲ್ಲಿ ಸ್ಪೇನ್‌ನ ಕಾರ್ಲೋಸ್ ಅಲ್ಕರಾಜ್ ಅನಿರೀಕ್ಷಿತ ಸೋಲು ಕಂಡ ಬೆನ್ನಲ್ಲೇ ಜ್ವೆರೆವ್ ಅಗ್ರಸ್ಥಾನಕ್ಕೇರುವುದು ಅಧಿಕೃತಗೊಂಡಿದ್ದು, 2026ರ ಸಾಲನ್ನು ವಿಶ್ವದ ನಂ. 1 ಆಟಗಾರನಾಗಿಯೇ ಮುಗಿಸುವ ಸನಿಹದಲ್ಲಿದ್ದಾರೆ.2026ರಲ್ಲಿ ಜ್ವೆರೆವ್ ಅಧಿಪತ್ಯ: ಪ್ರಸ್ತುತ ವರ್ಷ ಜ್ವೆರೆವ್ ಪಾಲಿಗೆ ಅದ್ಭುತ ಋತುವಾಗಿ ಮೂಡಿಬಂದಿದೆ. ಫ್ರೆಂಚ್ ಓಪನ್ (ರೋಲ್ಯಾಂಡ್ ಗ್ಯಾರೋಸ್) ಹಾಗೂ ಯುಎಸ್ ಓಪನ್ ಗ್ರಾ÷್ಯಂಡ್‌ಸ್ಲಾಮ್ ಪ್ರಶಸ್ತಿಗಳನ್ನು ಮುಡಿಗೇರಿಸಿಕೊಳ್ಳುವ ಮೂಲಕ ಅವರು ಪುರುಷರ ಟೆನಿಸ್ ಅಂಗಳದಲ್ಲಿ ತಮ್ಮ ಪಾರಮ್ಯ ಮೆರೆದಿದ್ದರು. ಕ್ರೀಡಾ ವೃತ್ತಿಜೀವನದಲ್ಲಿ ಸತತ ಹೋರಾಟ ಮತ್ತು ಸ್ಥಿರ ಪ್ರದರ್ಶನದ ಫಲವಾಗಿ ಇದೀಗ ವಿಶ್ವ ಶ್ರೇಯಾಂಕದ ಶಿಖರ ತಲುಪಿದ್ದಾರೆ.
ಖ್ಯಾತ ಫುಟ್‌ಬಾಲ್ ತಾರೆ ಕ್ರಿಸ್ಟಿಯಾನೊ ರೊನಾಲ್ಡೊ ಪೋರ್ಚುಗಲ್ ತಂಡದಿಂದ ಅಮಾನತು. ಸಿನ್ನರ್ ಗಾಯ, ಜ್ವೆರೆವ್‌ಗೆ ವರ
ವಿಶ್ವದ ಅಗ್ರಸ್ಥಾನಕ್ಕಾಗಿ ತೀವ್ರ ಪೈಪೋಟಿ ನಡೆಸುತ್ತಿದ್ದ ಇಟಲಿಯ ಜಾನಿಕ್ ಸಿನ್ನರ್ ಮೊಣಕಾಲು ಗಾಯದ ಸಮಸ್ಯೆಯಿಂದಾಗಿ ಸತತ ಪಂದ್ಯಾವಳಿಗಳಿಂದ ಹೊರಗುಳಿದಿರುವುದು ಜ್ವೆರೆವ್‌ಗೆ ವರದಾನವಾಯಿತು. ಜುಲೈನಲ್ಲಿ ವಿಂಬಲ್ಡನ್ ಜಯಿಸಿದ ಬಳಿಕ ಕಣಕ್ಕಿಳಿಯದ ಸಿನ್ನರ್, ಯುಎಸ್ ಓಪನ್, ಚೀನಾ ಓಪನ್ ಹಾಗೂ ಶಾಂಘೈ ಮಾಸ್ಟರ್ಸ್ನಿಂದ ಹಿಂದೆ ಸರಿದಿದ್ದರು. ಈ ಹಿನ್ನೆಲೆಯಲ್ಲಿ ಜ್ವೆರೆವ್ ಅಗ್ರಸ್ಥಾನಕ್ಕೇರಲು ಮಾರ್ಗ ಸುಗಮವಾಯಿತು.ಜರ್ಮನಿ ಟೆನಿಸ್ ಇತಿಹಾಸದಲ್ಲಿ ಸುವರ್ಣ ಕ್ಷಣ: ಜರ್ಮನಿಯ ಮಟ್ಟಿಗೆ ಈ ಸಾಧನೆ ಅತ್ಯಂತ ಅಪರೂಪದ ಕ್ಷಣವಾಗಿದೆ. ಈ ಹಿಂದೆ 1991 ರಲ್ಲಿ ಬೋರಿಸ್ ಬೆಕರ್ ಜರ್ಮನಿಯ ಏಕೈಕ ನಂ.1 ಆಟಗಾರನಾಗಿ ಒಟ್ಟು 12 ವಾರಗಳ ಕಾಲ ಅಗ್ರಸ್ಥಾನ ಅಲಂಕರಿಸಿದ್ದರು. ಅದಾಗಿ ಬರೋಬ್ಬರಿ ಮೂರೂವರೆ ದಶಕಗಳ (35 ವರ್ಷಗಳ) ಬಳಿಕ ಜರ್ಮನಿಯ ಆಟಗಾರನೊಬ್ಬ ಮತ್ತೆ ವಿಶ್ವದ ನಂಬರ್ ಒನ್ ಕಿರೀಟ ಧರಿಸುವ ಮೂಲಕ ದೇಶದ ಕ್ರೀಡಾ ಇತಿಹಾಸದಲ್ಲಿ ಹೊಸ ದಾಖಲೆ ಬರೆದಿದ್ದಾರೆ.
